الحريري: في ناس بتعطي one way ticket وهني مش قدها.
شباط 10, 2020

أكد الرئيس سعد الحريري أنه لم يقرر بعد ما اذا كان سيشارك في جلسة الثقة غدا مع كتلة المستقبل، وقال:"لدينا توجه سترونه غدا والكل عارف انو رايحين الى اللاثقة"، وسأل:"اذا مش بالمجلس قلنا كلمتنا وين منقولها؟".

وعن المشاركة في الجلسة غدا على الرغم من الشارع المعارض قال الحريري في دردشة مع الصحافيين بعد اجتماع كتبة المستقبل: "نحن خلال ١٥ سنة كان اعتراضنا على التعطيل ولا يمكن ان تكون سياستي التعطيل ابدا، كل ما وصلنا اليه هو التعطيل والجمعة بقول مين بيتحمل مسؤوليتو".

وردا على سؤال عن الرسالة الى التيار الوطني الحر سأل الحريري:"شو عملوا؟ يعطوني انجاز واحد عملوا للبلد وللاقتصاد". وقال:"في ناس بتعطي one way ticket وهني مش قدها".

وأشار الحريري الى أنه قرر نقل الاحتفال بذكرى ١٤ شباط الى بيت الوسط لتكون الرسالة الى من يحاول تسكير بيت الوسط و"هم نفسهم الذين حاولوا انهاء رفيق الحريري"، وقررت هيدا الامر لأن في ناس عم تلعب بالشارع".

وعن ذهابه الى المعارضة قال الحريري: "انا دستوري هو الطائف وما يقول لي الطائف سأقوم به".